Uncategorized

Four Hour Work Week in Hindi | Book Summary in Hindi | Audiobook Summary | Passive Income

Google+ Pinterest LinkedIn Tumblr

The 4 Hour Work Week. Is kitaab mein author Tim Feriss ne humko bataya hai ki kaise hum apni job karte hue khud ka business start kar sakte hain aur ye business aisa hoga ki isme aapki mehnat job se kam lagegi par income job se jyada hogi. Is video ke ant tak aapko ek achha khasa anuman lag jayega ki aisa business start kaise karna hai. Ye book sabse pehle wealth, ya dhan daulat ko lekar humari jo soch hai usko redefine karti hai. Hum generally wealth ko paise se naapte hain. Matlab agar koi insaan jyada paise kama raha hai to hum usko jyada ameer maante hain aur kam paise kamane wale ko kam ameer maante hain.

Par asal mein is tarah ka najariya ek chota najariya hota hai. Asal mein keval paise ka amount ye nahi batata ki koi kitna ameer hai. Paison ke alawa do aur factors hain jo hume kisi bhi insan ki wealth ki ek saf tasveer dete hain. In do factors ke naam hain time aur Mobility Aaj ki information technology ki age mein keval paise ki currency nahi, balki paisa, samay, aur kabhi bhi kahi bhi ghoomne ki ajadi aapko amir banati hai. Ek accountant ke pas paisa to aa raha hai par kam itna jyada hai ki apni pasand ka koi kam karne ke liye time hi nahi hai. Agar wo office chod kar chali jaye to office ka kam hi ruk jae. Ek technical support wale ke pass kam jyada nahi hai, kabhi koi problem aati hai tabhi usko bulaya jata hai, paise bhi mil hi jate hai, par agar wo office chod kar chala jaye aur tab koi issue aa jaye to bahut badi gadbad ho sakti hai.

Wahi ek online coaching dene wala teacher kisi bhi jagah se coaching de sakta hai, recorded lectures bech kar hamesha kamata reh sakta hai, aur chahe bas to ek bar course tayyar kar ke kam na bhi kare tab bhi kama sakta hai. Ye book DEAL naam ki process batati hai. DEAL asal mein 4 stages hain jinse ho ke hume gujarna hai. D matlab Definition. E matlab ki elimination. A matlab ki Automation aur L matlab ki Liberation. Ab aage humari video in en char stages ko detail mein explore karegi. Pehli stage- Definition Definition matlab hota hai paribhasha. Is stage mein hum bahut si cheezon ko paribhashit, ya define karenge. Isse humare dimag mein cheezon ko lekar jo clarity aayegi wo hume sahi direction mein chalte rehne ke liye madad karegi. Humare dimag mein kuch aise assumptions hote hain jo hume aage badhne se rokte hain. to aise assumptions ko is stage mein hum khatam karenge. Pehla point- Money is not what you are looking for.

Matlab, paisa wo cheej nahi hai jo aap dhoondh rahe hain. Hum khush rehne ki chah mein paise ke liye bhaagte rehte hain. Hum bahut mehnat karte hain taki humari income badhti rahe. Par jab humari income badhti hai to hum dekhte hain ki humari khushi humari income ke sath badh nahi rahi. Humari samajh mein nahi aata ki life ja kaha rahi hai? Hum kar kya rahe hain aur kyun kar rahe hain? Iska reason yahi hai ki humari life mein khushi paise se nahi balki freedom aur power se aati hai.

Hum khush tabhi rehte hain jab hum wo sab kuch kar paye jo karna chahte hain. Bahut si cheezein aisi hoti hai jo keval tabhi ki ja sakti hai jab aapke pas paisa ho, par sabhi cheezein aisi nahi hoti. Iske bad humari society mein bahut se galat beliefs ya manyataye chali aa rahi hain. Society ka ek bada hissa in galat beliefs ko manta hai. Jaise logo ke beliefs ya soch hoti hai waisa jivan wo jite hain.

Humko agar aage jana hai to humko aam logo se thoda alag sochna padega. Sabse pehli soch hai retirement ko lekar Duniya mein retirement ka concept hi galat soch par adharit hai. Retirement ka concept ye maan ke chalta hai ki jo job ya kaam aap kar rahe ho wo aapko bilkul pasand nahi hai. Aap wo kaam bilkul bhi nahi karna chahte aur islie bas ek bar aapke pass itna Paisa ho jaye ki aapko kaam karne ki jaroorat hi na pade to bas fir aap aram se ghar par baithenge, aur koi bhi kaam nahi karenge. Is soch me sabse pehli galat bat to ye hai ki itna paisa ikhatta kar lo jo jeevan bhar khatam hi na ho, to ye bat to ek dum impossible hai. Aur doosri bat hum ye man kar chal rahe hain ki humko koi bhi kaam nahi karna hai aur bas baithe rehna hai to ye bat bhi sunne me to acchi lagti hai par aap kisi bhi insaan ko bina kisi kaam ke kuch mahine tak bitha ke dekh lijiye.

lijiye. Kisi ko kitna bhi aram de do par apna man lagane ke liye kuch na kuch kaam hona jaroori hota hai. Baithe baithe kuch din to achha lagta hai, fir boriyat hone lagti hai, fir wo boriyat frustration ka roop le leti hai aur frustration depression mein tabdil ho jata hai. Islie retirement ki taraf asha lagane ka koi matlab nahi hai. To fir iska solution kya hai? Iska solution simple sa hai. Kam wo karo jo aapko karna pasand hai. Isse kaam karne mein aapka man lagega, aap us kaam ko imandari se karoge, usme progress karoge aur retirement lene ki aapko jaroorat bhi nahi lagegi.

Retirement ka ek aur alternative hai mini retirements. Humare interest aur humari energy cyclical hote hai. Bahut saalo tak kaam karne ke bad insan ka man karta hai ki ab kaam na kare. Aur bahut din kaam na karne par man karta hai ki ab kuch kiya jaye. Islie apne career ke ant me hamesha ke liye retirement lene ka sochne ki jagah humko humare career ke beech mein chote chote retirement lena chahiye. Ek chote retirement ke bad poori energy se fir se kaam me lag jao. Isse aapka interest aur energy dono bane rahenge. Humari agli galat soch ye hai ki hum kam kaam karne ko alas se jod dete hain. Kam kam karne wala insan hume alsi lagta hai aur dinbhar kaam karne wala insan humko mehnati lagta hai. Kai workplaces mein employee ko is basis par judge kiya jata hai ki wo office mein kitna time bita raha hai. Hum ye bhool jate hain ki kahani ke ant me jo ek matra cheej kaam aati hai wo hai results.

Padhai kitni bhi kar lo agar pass na hue to padhai ka koi matlab nahi. Product banane mein kitni bhi mehnat kar lo par agar customer ko pasand nahi aaya to wo bikega hi nahi. Picture banane mein kitni bhi mehnat lagi ho, audience ko agar pasand nahi aayi to flop hi honi hai. Islie humara focus mehnat par kam aur results par jyada hona chahiye. Apni productivity ko badhane par hamara focus hona chahiye taki hum kam kaam kar kar bhi achhe results de paye.

Humari productivity jyada hogi hum doosro ke jitni hi mehnat kar ke unse kahi jyada aage nikal sakte hain. Agli jo humari soch galat hai wo hai income ko lekar. Hum log absolute income par focus karte hain. Matlab hum bas ye dekhte hain ki koi insan kitna kama raha hai, jo insan jyada amount kama raha hota hai usko hum jyada ameer maante hain aur jo kam kama raha hota hai usko hum kam ameer mante hain. Par humko dekhna ye chahiye ki koi insan kitna kaam kar ke kitna kama raha hai. Is bat ko main ek example se aapko samjhata hun. Ek admi mahine ke 40 hajar kama raha hai aur doosra 60 hajar. Normally hum 60 hajar kamane wale ki income jyada mante hain. Par agar main bolun ki 40 hajar kamane wala admi hafte mein keval 5 din, matlab mahine me 20 din aur 60 hajar kamane wala aadmi hafte mein 6 din, yani mahine mein 24 din kam karta hai to dono ki per day ki income kitni hogi? 40 hajar wala aadmi kama raha hai 2 hajar rupay per day day aur 60 hajar wala kama raha hai 2500 rupay per day. Ab agar main ye kahun ki 40 hajar kamane wala aadmi din mein 5 ghante kaam karta hai ur 60 hajar kamane wala aadmi din mein 8 ghante kaam karta hai to ab dono prati ghanta kitni income hogi? Agar hisab lagaye to 40 hajar kamane wala aadmi har ghante 400 rupay kama raha hai hai aur 60 hajar kamane wala aadmi keval 312 rupay hi kama raha hai.

Is case mein 40 hajar kamane wale ki relative income 60 hajar kamane wale se jyada hai. Man lijiye ki 40 hajar kamane wala vyakti relative income ko badhane ki soch rakhta hai hai aur 60 hajar kamane wala vyakti absolute income ki soch rakhta hai. To 40 hajar wala insan sochega ki kaise main apni relative income ko increase karun? To wo kam to utna hi karta rahega par uski income badhte chali jayegi. Wahi absolute income wale ki ye soch hai ki jitna kaam karoge utna hi paisa milega. Ab ek din mein 24 ghante ke din mein aap 30 ghante kaam to kar nahi paoge, islie absolute income wala vyakti ek din kahega ki isse jyada to kamaya hi nahi ja sakta. Islie ek din uski growth rukni hi rukni hai. Finally author hame humare illogical dar se chutkara pane ki bat karte hain. Hum humari life mein aadhe se jyada kadam to apne dar ke karan hi nahi uthate. Darna burin baat nahi hai par hum us dar ko over estimate karte hain. Iske liye main aapko ek example deta hun.

Man lijiye ki aap koi business start karna chahte hain ya apna current profession change karna chahte hain. Aapko lagta hai ki aisa karne ke liye aapko apni current job chodni padegi. Agar job chodne ka action aap lete hain to iska kuch outcome hoga, is outcome ko hum 0 se 10 ke scale mein rakhte hain Yahan zero wo condition hogi jaha aapke action ka koi outcome nahi niklega, aapki zindagi aur badtar ho jayegi, sadak par aane aur bhookhe marne wali condition aaa jayegi. jayegi.

Wahi 10 wo condition hogi jaha aapki zindagi aapke decision ke karan poori tarah badal jayegi aur aapne jo socha tha usse bhi achhe results aapke pass honge. To humare sath problem ye hoti hai ki hum pehle hi man lete hai ki agar buri outcome aayi to hum seedhe zero par pahunchenge, sab barbad ho jayega. Jabki haqeeqat mein results 4-5 ki scale me hi aate hain. Jyada se jyada aap kuch din ke liye jobless rahenge aur is jyada kuch nahi hoga. Mere sath personally aisa hua hai, mujhe apne man ke profession me aane ke liye kuch mahine jobless rehna pada tha, aur ab main khushi khushi apne man ka kaam kar raha hun. Agar main poori life jobless rehne ke dar se wahi purani job kar raha hota rehta to shayad aaj meri life mein sivay stress aur depression ke kuch nahi hota aur aaj aap ye video nahi dekh rahe hote.

Ab hum hamari book ke doosre part par aate hain. DEAL ki doosri stage hai Elimination. Is stage mein hum har us cheej ko apne raste se hatayenge jo humari manjil tak pahunchne se humko rokti hai. Job ke sath koi doosra kaam karne ke liye aapko time ki bahut jaroorat padegi. Agar aapke pass time hi nahi hoga to aap kaise kuch par payenge. To is part mein hum us time ko nikalne ke tareeke dekhenge. Sabse pehle time management band kare kare aur seedhe wo kaam kare jo sabse jyada important hai.

Yahan hum Pareto ka 80/20 principle follow karenge. Hum jo bhi kaam karte hain usme se 80% kaam ka koi khas result nahi Nikalta, keval humara 20% kaam hi humko asli results deta hai Is channel ke case mein agar bolun to meri videos ki 80% success mere video ke content se aati hai, agar script achhi nahi hogi to video mein main kitne bhi special effects daal loon, kitna bhi social media par share kar loon, apne friends ko dikhaun par kisi ko meri videos pasand nahi aayegi. Isiliye mujhe keval script par apna jyada time dena chahiye, agar main sabhi cheejon par barabar dhyan doonga to pata nahi mujhe kitna time lag jayega ek video banane mein kyunki waise bhi mere pass jyada time nahi rehta hai.

Islie main kam par focus rakhein baki cheezon ko apni pace par chalne dein time ko manage karne ki koi zaroorat nahi hai, jaise hi time milta hai bas us ek important cheej ko time do. Doosra point hai selective ignorance ka. Jis waqt aapko aisa feel ho ki aapka time waste ho raha hai hai usi waqt aapko ruk jana hai. Koi bhi aisi cheej mein time dena hi nahi hai jo time waste kare, agar lag raha hai ki movie boring hai to koi jaroorat nahi hai usko aakhir tak dekhne ki, roj newspaper padhne ki koi jarurat nahi hai, agar koi news aapke liye sach mein important hogi to wo khud ba khud aap tak pahunch jayegi, Jabardasti mein internet surf karna, kai ghanto tak tv dekhna, ye sab activities aapko ignore karna seekhni padegi.

Teesra point hai interruptions se deal karne ka. Jo kaam aap poore focus ke sath 1 ghante mein nipta sakte hain, usi kaam mein agar bar bar disturb ho to to aram se 3-4 ghante lag jate hain. Islie koshish karein ki koi bhi important kam bina disturb hue karein. Aapka phone aapke liye ek bada disturbing factor ho sakta hai, islie usko jaroor band kar ke kaam kare.

Aisi jagah par baithe jahan log aakar aapko disturb na kar paye, agar computer par kaam kar rahe hain hain to internet keval Tabhi use kare jab jaroori ho. Choutha point hai time consuming activities ko ek sath niptane ka. Un sari activities ka pata kare jo hain to choti choti, par kam ke beech mein aapko disturb kar sakti hain. Kisi ko koi email bhejna hai, kisi se phone par baat karni hai, bahar se kuch kharid ke lana hai ya ghar ka koi chota sa kam, in sab ko ek bar mein nipta dein taki bad mein jab aap kam karne baithein to use bina khatam kiye uthane ki jaroorat na pade. Ab hum aate hain DEAL ki teesri stage yani Automation par. Is stage par hum humare business ko automate karenge. Matlab ki hum aise business ki base banayenge jo humare bina bhi khud ba khud chal Translates.

Iske liye author ne humko sabse pehla point diya hai Outsourcing ka. Isse hum un kaamo ki vyavastha karenge jo humare bina bhi ho sakte hain. Jaisee ki abhi jo aap video dekh rahe hain, uske liye images, animation aur voice ka kaam koi bhi kar sakta hai. Aisa karne se mujhe jo free time milega use main koi business start karne mein laga sakta hun. To kam agar outsource ho sakta hai to usko outsource kijiye, yahi cheej aage jake aapko free karegi. Agli step bahut important hai.

Finding the muse. Aapka business idea dhoondhna. Humko aisa product dhoondhna hai jo itna sasta ho ki logo ko usko kharidte waqt sochna na pade. Aur isko banane ke bad manage karne ke liye aapko hafte mein ek din se jyada isko na dena pade. Is business modal par India mein Zoomcar naam ki company kaam kar rahi hai. Unhone metro cities mein jagah jagah cycles rakh di hain jinko unki app ke through koi bhi unlock kar sakta hai. Cycle unlock hote hi aapki billing start ho jati hai. Cycle ke rates hain 3 rupay per 10 minutes. Use karne ke bad aap cycle ko unke parking area mein khade kar ke cycle lock kar dijiye, aapka jo bhi bill hoga wo wahi ke wahi paytm se pay ho jayega. Parking areas city mein jagah jagah mojud hain. Agar customer ko koi doubt ho ya problem aaye to wo inki website par ja sakta hai, ek customer ko jitne bhi type ki problems ho sakti hai wo sab inhone pata laga li hain Aur un sabhi problems ke solutions inhone apni site par Frequently asked questions ke format mein daal diye hain.

Islie inko customer care service maintain karne ki jaroorat bhi nahi padti. Cycles inhone aisi use ki hain ki unme toot foot ke chances bahut kam hai. Overall hum baat kare to ye ek bahut hi kam maintenance wala business hai, ye itna simple hai ki koi technical support ki bhi jaroorat nahi hai. Obviously cycles mein GPS system laga hua hai Is example mein maine sari steps cover ki hai par fir bhi main ek bar alag se bata deta hun. Step 1 aisa market pata karo jo affordable hai, jaise 3 rupay per 10 minutes me di ja sakte wali cycles Step 2- Brainstorm kijiye aisa business jo bilkul simple ho, jisme jyada complex problems aane ke chance hi na ho aur FAQ ke through customers ke sare sawalo ke jawab diye ja Translates. Step 3- Business ko bade scale par le jane se pehle usko chote level par test karo.

Ek simple si website banao aur Google Adwords aur Facebook wagerah par uski marketing karo. Customer ke initial response ko dekho aur pata lagao ki ye business chal sakta hai ya nahi. Apne niche ki top 3 websites par jao aur dekho ki aapka product unse Achha aur alag kaise ho sakta hai. Step 4 Management by Absence- Aisa system create karo ki aapke present na hote hue bhi business apne aap chalta rahe. Jaise is case mein customer khud hi cycle le kar jata hai, payment apne aap hota hai aur khud hi cycle wapas de ke bhi jata hai.

Step 5 Business ke shuruat mein sare kaam khud hi karo jisse ki aap aapke business ke har aspect ko Jan jao. Isse aap aapke customer ko achhe se bhi Jan jaoge. Step 6 ab jin cheejo ki jaroorat ho unko outsource kar lo. Agar hua to aapke FAQ se hi kam chal jayega par fir bhi aapko kuch log to rakhne hi padenge, Jin bhi logo ko aap rakh rahe hain un sabhi ko ye sare FAQ’s samjhao. Step 7 keval un 20% customers par focus karo jinse aapka 80% business aayega. Sab kuch cover karne ki koshish mat karo. Abhi jo cycle rent karne wali service ki hum bat kar rahe the unka main focus keval un hi jagah par hai jaha office aane jane wale log jyada travel karte hain. Akhir me aati hai humari chouthi stage- Liberation. Isme hum humari job se, aur ek hi jagah par rehkar paise kamane ki bandish se ajad hote hain.

Ab jab aapne apna chota sa business start kar diya hai to apna focus job se kam kar ke business ki taraf le kar jaye. Apni company se jitni training le sakte hain utni training le, isse aap skills gain karenge jo aapke business ko aage badhane ke kam aayengi. Jitni mil sakti hain utni chuttiyan le, aur un chuttiyon mein apni productivity ko double kar ke apni company ko teji se badhayein. Productivity badhane ke tareeke hum pehle hi Elimination wali stage mein dekh chuke hain.

Agar work from home, yani ghar se kaam karne ka mouka milta hai to usko sahi tareeke se use karein, apne office ka kaam jaldi se niptayein aur baki bacha hua samay apni company ko de. Agar aap apne business se khush hain to job chodhne se dare nahi, Is video ki shuruat mein humne jo worst case scenario wali baat ki thi, use yad karein. Aapko bas aisi situations ke liye kuch savings kar ke rakhni hai aur apne kharon ko kam karna hai, dheere dheere sab control mein aa jayega.

Lambe retirements ki jagah mini retirements le, aisi jagahon par ghoomne jaye jo bahut sasti hai. Jaha aap kam kharcha kar ke bhi bade shouk poore kar paye. Jis country ki currency aapki currency se sasti hogi waha aap aisa kar payenge. Ye trips aapke liye life changing hongi. kyunki inme aap duniya ke kai pehlu dekhenge. Aur apne mini retirement se jab aap wapas aayenge to aapke pas ek naya josh hoga jiski madad se aap pehle se bhi jyada mehnat kar payenge. To agar main is book ko ek line me samjhaun to main kahunga ki aapko rokne wale faltu ke assumptions se chutkara paiye, aisa har kaam jo important nahi hai usko apne routine se bahar nikaliya, apni income ko auto pilot par daalne wala business start kariye aur apne freedom of location ko enjoy kijiye.

Agar aapko ye summary pasand aayi ho to mere channel ko subscribe karna na bhoolein.

As found on YouTube